Энэхүү Зээлийн хүсэлтийн мэдүүлэг-ийг бөглөж илгээснээр зээл хүсэгч (цаашид “Хүсэлт гаргагч” гэх) нь дараах нөхцөлийг бүрэн ойлгож, хүлээн зөвшөөрсөнд тооцогдоно.

Ерөнхий нөхцөл
1.1. Энэхүү мэдүүлэг нь зээлийн хүсэлт гаргах зорилготой бөгөөд зээл олгох баталгаа биш болно.
1.2. Зээлийн эцсийн дүн, хугацаа, хүү болон бусад нөхцөл нь зээлийн үнэлгээ, шалгалтын дараа шийдвэрлэгдэнэ.
1.3. Зээл олгох эсэх шийдвэрийг зээл олгогч дангаар гаргана.

Мэдээллийн үнэн зөв байдал
2.1. Хүсэлт гаргагч нь энэхүү маягтад оруулсан бүх мэдээлэл үнэн зөв, бүрэн гүйцэд болохыг батална.
2.2. Худал, дутуу эсвэл төөрөгдүүлсэн мэдээлэл өгсөн нь тогтоогдвол зээлийн хүсэлтийг татгалзах, эсвэл цаашдын хамтын ажиллагааг зогсоох үндэслэл болно.

Баримт бичиг, баталгаажуулалт
3.1. Хүсэлт гаргагч нь зээлийн үнэлгээтэй холбоотой нэмэлт баримт бичиг (банкны хуулга, иргэний үнэмлэх, паспорт, виз, орлогын нотолгоо гэх мэт) гаргаж өгөх үүрэгтэй.
3.2. Ирүүлсэн баримт бичиг нь үнэн зөв, хүчинтэй байх шаардлагатай.

Мэдээлэл ашиглалт ба нууцлал
4.1. Хүсэлт гаргагчийн ирүүлсэн мэдээллийг зээлийн үнэлгээ, эрсдэлийн шинжилгээ болон дотоод хяналтын зорилгоор ашиглана.
4.2. Хувийн мэдээллийг холбогдох хууль тогтоомжийн дагуу нууцалж, гуравдагч этгээдэд зөвшөөрөлгүй дамжуулахгүй.
4.3. Хуульд заасан тохиолдолд эрх бүхий байгууллагад мэдээлэл гаргаж өгөх боломжтой.

Хамтран зээлдэгч
5.1. Хамтран зээлдэгч оролцсон тохиолдолд тухайн этгээд нь зээлийн үүргийг хамтран хариуцахыг зөвшөөрсөнд тооцно.
5.2. Хамтран зээлдэгчийн мэдээлэлд мөн адил энэхүү үйлчилгээний нөхцөл хамаарна.

Хүсэлтийг татгалзах эрх
6.1. Зээл олгогч нь шалтгаан тайлбарлахгүйгээр зээлийн хүсэлтийг татгалзах эрхтэй.
6.2. Татгалзсан тохиолдолд ирүүлсэн баримт бичгийг буцаан олгохгүй байж болно.

Хүчин төгөлдөр байдал
7.1. Энэхүү үйлчилгээний нөхцөл нь зээлийн хүсэлт илгээсэн өдрөөс эхлэн хүчин төгөлдөр болно.
7.2. Хүсэлт гаргагч нь энэхүү нөхцөлийг уншиж танилцан, бүрэн ойлгож зөвшөөрсөн байна.